Педагог және Заң

«Ақмола облысы білім басқармасының Целиноград ауданы бойынша білім беру  бөлімінің жанындағы Ыбырай Алтынсарин ауылының «Күншуақ» бөбекжайы» мемлекеттік коммуналдық қазыналық кәсіпорын

«Адал азамат» біртұтас тәрбие бағдарламасына сәйкес  Қаңтар айы- «Заң және тәртіп» идиологиясы жұмыс жоспары бойынша  «Педагог және Заң» ақпараттық сағаты.

Құрметті әріптестер!

Педагогикалық кеңестің күн тәртібіне сәйкес «Заң және тәртіп» идеологиясы аясында «Педагог және Заң» тақырыбында ақпараттық сағат өткізілуде. Қазіргі таңда білім беру саласында заң талаптарын сақтау – әр педагогтың кәсіби міндеті. Педагог тек білім беруші ғана емес, сонымен қатар бала құқығын қорғаушы, қауіпсіз орта қалыптастырушы және құқықтық мәдениетті насихаттаушы тұлға болып табылады. Қазақстан Республикасында педагог қызметі келесі негізгі нормативтік-құқықтық құжаттармен реттеледі:

– Қазақстан Республикасының Конституциясы
– Қазақстан Республикасының «Білім туралы» Заңы
– Қазақстан Республикасының «Педагог мәртебесі туралы» Заңы
– Қазақстан Республикасының «Баланың құқықтары туралы» Заңы
– Қазақстан Республикасының Еңбек кодексіАталған заңдар педагогтың құқықтары мен міндеттерін, әлеуметтік кепілдіктерін, кәсіби жауапкершілігін айқындайды.

Педагогтың негізгі құқықтары:

• кәсіби қызметін еркін жүзеге асыру;
• біліктілігін арттыру;
• өз абыройы мен қадір-қасиетінің қорғалуына;
• қауіпсіз еңбек жағдайына;
• әдістемелік еркіндікке.

Педагогтың негізгі міндеттері:

• тәрбиеленушілердің  өмірі мен денсаулығын қорғау;
• мемлекеттік жалпыға міндетті білім беру стандарттарының талаптарын сақтау;
• баланың құқықтарын құрметтеу;
• педагогикалық әдеп нормаларын ұстану;
• заң талаптарын бұзбау.

Сонымен қатар, педагог қызметінде келесі бағыттарға ерекше назар аудару қажет:

• сыбайлас жемқорлықтың алдын алу;
• ата-аналармен құқықтық тұрғыда сауатты қарым-қатынас орнату;
• құжаттамаларды заң талаптарына сай жүргізу;
• әлеуметтік желілерде кәсіби этиканы сақтау.

«Заң және тәртіп» қағидатын ұстану – ұйымдағы тұрақтылықтың, қауіпсіздіктің және сапалы білім берудің кепілі.

Қорытындылай келе, әр педагог өз қызметінде заң нормаларын басшылыққа алып, құқықтық сауаттылығын үнемі арттырып отыруы тиіс. Заңды білу – кәсіби қауіпсіздіктің негізі, ал оны сақтау – педагог беделінің кепілі.